بقلاوة روعة وساهلة

السلام عليكم حبيباتي جبت ليكم وصفة بقلاوة رائعة وما فيهاش الخدمة بزاف..
غانحتاجو ل 14 ورقة بسطيلة
150 غ لوز و 100 غ كركاع محمرين
2 معالق كبارسنيدة
300غ زبدة دايبة
معلقة صغيرة قرفة
معلقة كبيرة ما زهر
فطاوة مستطيلة مدهونة بالزبدة نفرشو 6 ديال الطبقات ديال ورق البسطيلة وبين كل ورقة ووقة نفزكو بالزبدة مزيان.
نطحنو اللوز والكركاع مع القرفة والسكر والزهر ونفرشو نصف الخليط فوق أوراق البسطيلة اللي فرشنا
نفرشو 2 ورقات أخرين ديال البسطيلة ونفزكهوم بالزبدة بحال اللولين
نكبو داكشي اللي بقا من خليط اللوز والكركاع
نفرشو 6 ديال الطبقات ديال ورق البسطيلة اللي بقاو وما ننساوش نفزكوهوم بالزبدة..
ندخلو الحلوة ديالنا للفرن °180 لمدة 20 دقيقة
نوجدو السيرو ديالنا (لتر ماء+ 350غ سكر ونغليهم حتى ينقص الخلي ويولي بحال السيرو).
نخرجو الطاوة من الفرن ونسقيها وهي مازال سخونة..
ما نقطعوها حتى تبرد مزيان وزينيها باللوز شرائح أو الفستق مهروش.
شحال ما خليتيها تبرد شحال ما كاتجي زوينة.. أنا كنخليها ليلة كاملة عاد كانحيدها من الطاوة وكانديرها فكويغطات..
إيوا جربوها وردو عليا..

السلام عليكم ورحمة الله وبركاته

جزاكي الله خير

[ندعوك للتسجيل في المنتدى أو التعريف بنفسك لمعاينة هذه الصورة]

تبارك الله عليك والله يعطيك الصحة

رائعة جدا
لكن لو وضحتي لينا اختي بالصور اكتر

الله يعطيك الصحة

حلوى زوينة شكرا جزيلا

بارك الله فيك يا أختي

» حلوة روعة في الشكل والمداق