بلاطو دحليواتي لعيد الفطر نتمنى يعجبكم

السلام عليكم
اليوم قدمت ليكم حليواتي لعيد الفطر وهم كالتالي
حلوة صبيعات العروس
حلوة الفلان واللوز
حلوة الكورني
حلوة اعشاش الطير
حلوة الشميشة
حلوة المفلجة
حلوة السيكار
حلوة الطمر
[ندعوك للتسجيل في المنتدى أو التعريف بنفسك لمعاينة هذه الصورة]
اما المقادير
صبيعات العروس

250غ زبده (ماكدور) /كاس كبير سكر كلاصي / كاس كبير مايزينا
3 صفار دالبيض / معلقه كبيرة فاني (انا فالحقيقه نسمتها بنكهة البرتقال )
معلقه صغيرة خميره دالحلوى / و الدقيق

طبعا نخدمو الزبده + السكر كلاصي
نزيدو مايزينا + الصفار دالبيض
و النسمه اللي اختارينا (فاني او برتقال او حامض ..)
و الخميرة و الدقيق حتى تجمع العجينه و ما تكونش قاسحه و ماشي مطلوقه
المهم تجمع و متكونش كتلصق فاليد

نديرو صبيعات رقاق طولهم تقريبا 3 سم
الطاوه تكون فالوسط يعني العافيه ما قريباش لا من الفوق و لا من التحت
تاخد تقريبا واحد 20 دقيقه
انا اساسا متنشعلش الفوق فاي حلوى حتى كنشوفها وصلات لنسبة 70فالميه ديال الطياب
عاد باش تنشعل الفوق غير شويه
المهم طيب بلا ما تتحمر

منين تبرد نخلط الكونفتير جاري + عصير برتقاله
و نبقى ندوز فيهم الصبيعات و ندوزهم من بعد فالكوك او ممكن اللوز مهرمش رقيق

حلوة الفلان: ربع اللوز + ربع الزبدة+ زليفة السكر+ 3خميرات كيماوية+ كأس صغير من الزيت + كأس صغير من الحليب + 2 فلان نكهة اللوز+ الطحين على حسب الخليط

المقادير ديال الشميشة
رابعة زبدة ماكدور . كاس زيت. كاس الا ربع سكر كلاسي. كاس زنجلان محمر . كاس لوز محمر ومهرمش. كاس زبيب مرطب فماء زهر. 1 خميرة . شوية لفاني سائل. الدقيق الكافي.
حلوة المفلجة

اولا نبداو بمقاديرعقدة كاوكاو

-1 كيلو كاوكاو محمر مزيان ومقشر -2 معالق ديال العسل-معلقة صغيرة ديال القرفة.
الطريقة -كنشدو كاوكاو بعد ما حمرناه وقشرناه ونوزنوه ونديرو ليه نصو ديال سنيدة ونطحنهوم مزيان .بيني وبينكم انا ديتو عند المطحنة ديال الللوز كيطحن حتى الكاوكاو خصو يكون معلك كنزيدو عليه باقي المقادير ونخلطو مزيان .
مقادير العجينة هي نفس عجينة حلويات اللوز للي كنعتمد عليها
-المقاديرو الطريقة ديال العجينة

.. كيلو ديال الفورص النوع الممتاز انا كنستعمل تريا –كاس اتاي مشرط من لتحت ديال زبدة مدوبة ومصفية كنستعمل زبدة صفراء ديال العبار –نفس الكاس ديال زيت –كاس ديال ماء زهر –شوية مسكة حرة –شوية ملح – 4 معالق كبار ديال سنيدة. وكنجمعوها بالما دافي وندلكوها مزيان تقريبا شي نصف ساعة او اكثر وكنخليوها ترتاح عاد نستعملولها .

حلوة اعشاش الطير
كيلو الطحين
6معالق كبار سكر
كاس الاربع المزهر
شوية ملح
200غ زبدة
نزيدوها الما الكافي باش تتجمع العجين
للتزين
نباج
شوية دالبنيا او الصنوبر
الحشوة
كيلو الاربع لوز مقشر ومطحون مع السكر
ربع كيلو لوز مقشر ومقلي ومطحون
يعجن اللوز كامل مع نكهة الفاني وبياض البيض جهد لي يبدا يتجمع ويتكور
حلوة التمر.
العقدة= 4ملاعق كبار من الماء الزهر+4 ملاعق كبيرة من الزيت+2ملاعق صغيرة من السكر نصف kgمن التمر +كأس كبير من الكاوكاو +ملعقة صغيرة من القرفة +قليل من الجنجلان
العجينة=500gمن الزبدة+1خميرة حمراء+1خميرة بيضاء+5 بيضات+كأس من السكر+الدقيق على حسب الخليط

وانا موجودة لاي سؤال بغيتوه او اي استفسار وشكرا

واووو شحال زوين الله اعطيك الصحة والعافية اختي تبارك الله عليك اختي

روووووووووووووعة مااشاء الله عليييييييك

انا عجباتني حلوة السيكار زوينة في الشكل ولديدة حتى فالمذااق
الله اعطيك الصحة

تبارك الله عليك والله يعطيك الصحة

تبارك الله عليك والله يعطيك الصحة

الله يعطيك الصحة غزالين